उन्हाळ्यात कीड नियंत्रणासाठी प्रभावी फवारणी कशी करावी?

उन्हाळ्यात कीड नियंत्रणासाठी प्रभावी फवारणी कशी करावी?

उन्हाळ्यात तापमान जास्त असल्यामुळे फवारणी करताना अनेक अडचणी येतात. औषध हवेत उडून जाणे, जमिनीवर न पडता वाफ होणे किंवा पानांवर पडूनही परिणामकारक न ठरणे या समस्या जाणवतात. त्यामुळे योग्य वेळ आणि पद्धतीने फवारणी केल्यास औषधांचा चांगला परिणाम दिसून येतो.

फवारणीसाठी योग्य तापमान किती असावे?

२५°C पेक्षा कमी – फवारणीसाठी सर्वात योग्य तापमान.

३०°C पर्यंत – फवारणी करणे शक्य, पण काही काळजी घ्यावी लागते.

३०°C पेक्षा जास्त – औषध लवकर उडून जात असल्याने फवारणीचा परिणाम कमी होतो.

जर उन्हाळ्यात फवारणी करावी लागत असेल, तर ती सकाळी ७ ते १० किंवा संध्याकाळी ४:३० नंतर करावी. या वेळी हवा तुलनेने थंड असते आणि आर्द्रताही जास्त असल्याने औषध झाडांवर टिकते.

डेल्टा टी (ΔT) आणि फवारणीची परिणामकारकता

डेल्टा टी म्हणजे कोरड्या तापमान आणि ओलसर तापमानातील फरक. यावरून आपण फवारणी करण्यासाठी योग्य वेळ ठरवू शकतो.

> ΔT = कोरडे तापमान - ओलसर तापमान

डेल्टा टीचा प्रभाव:

२ ते ८: फवारणीसाठी सर्वोत्तम वेळ. औषध व्यवस्थित झाडांवर टिकते.

८ ते १०: फवारणी करणे शक्य, पण औषध थोडे उडून जाऊ शकते.

१० पेक्षा जास्त: औषध लवकर वाफ होते, प्रभाव कमी होतो.

१२ पेक्षा जास्त: फवारणी टाळावी. औषध हवेतच नष्ट होते.

उष्णतेत फवारणी करताना घ्यायची काळजी

✔ डेल्टा टी १० च्या आत असल्यासच फवारणी करावी.

✔ बारिक तुषार देणारे नोजल टाळा, कारण औषध पटकन वाफ होते. मोठ्या थेंबांसाठी coarse spray नोजल वापरा.

✔ वाऱ्याचा वेग १५ किमी/तास पेक्षा जास्त असल्यास फवारणी टाळा.

✔ हवेतील आर्द्रता ५०% पेक्षा जास्त असावी, यामुळे औषध पानांवर अधिक वेळ टिकते.

✔ फवारणीच्या वेळी जमिनीवर आच्छादन (मल्चिंग) असेल, तर तापमान कमी राहते, आणि औषधाचा प्रभाव वाढतो.

निष्कर्ष

उन्हाळ्यात फवारणी करताना तापमान, आर्द्रता आणि डेल्टा टी यांचा विचार केला तर औषधाचा जास्तीत जास्त उपयोग होतो. योग्य पद्धतीने फवारणी केल्यास कीड नियंत्रण प्रभावी होते, उत्पादन वाढते आणि खर्चही कमी होतो. शेतीसाठी योग्य वेळे

ची आणि तंत्रज्ञानाची निवड करून फायदा कमवा!